Məlum olduğu kimi, Yaponiyanın paytaxtı Tokioda keçirilən cüdo üzrə dünya çempionatında qadınlardan ibarət Azərbaycan yığması fiaskoya uğramaqdadır. Bu günə qədər tatamiyə çıxan qadın cüdoçuların hamısı yarışın ilkin mərhələlərində uduzaraq mundialı medalsız tərk ediblər.
Bununla bağlı Azərbaycan Cüdo Federasiyasının səhifəsinə “Qadınlar yığması gəzməyə getmişdi, deyəsən” rəyini yazan idman bloggeri Elmar Rza millinin üzvü Aişə Qurbanlı tərəfindən təhqir olunub.
Daha sonra isə digər yığma üzvü Hidayət Heydərov bu tərbiyəsizliyi davam etdirərək E.Rzaya hədə-qorxu gəlib.
Sözügedən mundialda bürünc medal qazanan Heydərov şərhlərdə Rəşad Sultanov adlı şəxsin də ünvanına xoşagəlməz sözlər deyib.
