Bakı-Ağstafa-Bakı marşrutu üzrə əlavə qatar reysləri təyin olunur
Artan sərnişin tələbatını qarşılamaq üçün “Azərbaycan Dəmir Yolları” QSC (ADY) 20 sentyabrda Bakı–Ağstafa, 21 sentyabrda isə Ağstafa–Bakı marşrutu üzrə əlavə qatar reysləri həyata keçirəcək.
ADY-dən Qerbxeber.com verilən məlumata görə, eyni zamanda, Bakı-Qazax-Bakı qatarları ilə sərnişinlər ənənəvi qrafiklə hər gün hər iki istiqamətə səfər edə bilər.
“Hərəkət cədvəli və biletlərlə bağlı məlumatı (www.ady.az) rəsmi saytından, “ADY Mobile” tətbiqindən, dəmiryol kassalarından və 7/24 fəaliyyət göstərən 1822 Çağrı Mərkəzindən öyrənə bilərsiniz”, – məlumatda qeyd olunur.
