Azərbaycanda nazir koronavirusa yoluxdu – Mətbuat xidməti durumu ilə bağlı açıqlama…

Fövqəladə hallar naziri general-polkovnik Kəmaləddin Heydərov koronavirusa yoluxub.

“Qərb Xəbər”in məlumatına görə, nazir hazırda ev şəraitində müalicə alır.

Bildirilir ki, nazirin vəziyyətində ciddi ağırlaşma olmasa da, səhhətindəki narahatlıqla və özünü təcridlə bağlı sabah Azərbaycan Boks Federasiyasında (ABF) keçiriləcək hesabat-seçki konfransına qatıla bilməyəcək.

Daha doğrusu onun konfransda onlayn formatda iştirak edəcəyi gözlənilir.

Qurumun mətbuat xidmətinin əməkdaşı Vüqar Novruzov məlumatı nə təsdiq, nə də təkzib edib.

İşdə olmadığını vurğulayan FHN rəsmisi məsələ ilə bağlı dəqiqləşdirmə aparandan sonra məlumat verəcəyini açıqlayıb.

QAYNAQ: Bizim.Media