Türkiyə Prezidenti Rəcəb Tayyib Ərdoğan bu gün zəlzələ bölgəsinə səfər edəcək.
“Qərb Xəbər” Türk KİV-nə istinadən xəbər verir ki, Türkiyə lideri bu barədə zəlzələ zamanı dünyasını dəyişən AKP-li millət vəkili Yakup Taşın ailəsinə başsağlığında bildirib.
Ən son məlumatlara görə, zəlzələdə ölənlərin sayı 5 894-ə çatıb, 34 810 nəfər yaralanıb. Məlumat üçün bildirək ki, fevralın 6-da baş vermiş dağıdıcı zəlzələ Türkiyənin 10 vilayətində 13,5 milyon insana təsir göstərib.
Dağılan binaların sayı 5 775, dağıntılar altından çıxarılanların sayı isə 8 min civarında olduğu bildirilir.
Qeyd edək ki, zəlzələ bölgəsinə 65 ölkədən yardımlar göndərilib.