Litva ABŞ və Aİ-nin Bakı-İrəvan münasibətlərinin normallaşdırılmasına yönəlmiş səylərini dəstəkləyir
“Litva ABŞ və Avropa İttifaqının (Aİ) Azərbaycan və Ermənistan arasında münasibətlərin normallaşması istiqamətində səylərini dəstəkləyir”.
“Qərb Xəbər” xəbər verir ki, bunu Litvanın xarici işlər naziri Gabrielius Landsbergis mayın 8-də Vilnüsdə azərbaycanlı həmkarı Ceyhun Bayramovla görüşündən sonra keçirilən brifinqdə deyib.
O qeyd edib ki, ölkələr arasında münasibətlərin normallaşması həm rəsmi İrəvanın, həm də Bakının maraqlarına cavab verir.
“Biz Cənubi Qafqazdakı vəziyyəti böyük narahatlıqla, eyni zamanda sülhə böyük ümidlərlə və diqqətlə izləyirik”, – o deyib.
