Ursula fon der Lyeyen: Bolqarıstan Ukraynaya verilən silahların üçdə birini təmin edib
Ukraynada münaqişə başlayanda Kiyevə verilən silahların üçdə biri Bolqarıstan tərəfindən təmin edilirdi.
Qerbxeber.com xəbər verir ki, bunu Avropa Komissiyasının rəhbəri Ursula fon der Lyeyen Bolqarıstanın ən böyük silah-sursat zavodu olan Sopotdakı Hərbi Mexanika Zavodunda keçirdiyi mətbuat konfransında deyib.
“Bolqarıstana təşəkkür etmək istəyirəm. Münaqişənin başlanğıcında Ukraynanın istifadə etdiyi silahların üçdə biri Bolqarıstan tərəfindən təmin edilib”, – fon der Lyeyen bildirib.
O, Bolqarıstanın barıt və NATO çaplı mərmilərin istehsalını artırmaq planlarını alqışlayıb və qeyd edib ki, bunun da əhəmiyyətli hissəsi Ukrayna üçün nəzərdə tutulub.
Bu gün paylaşılan digər xəbərlər
Bu gün heç bir yeni xəbər yayımlanmadı