Marko Rubio USAID-in administratoru vəzifəsini icra edəcək
ABŞ-nin dövlət katibi Marko Rubio ABŞ Beynəlxalq İnkişaf Agentliyinin (USAID) direktor vəzifəsini müvəqqəti icraçısı təyin edilib.
Qerbxeber.com xəbər verir ki, bu barədə “The Hill” qəzeti məlumat yayıb.
“USAID-in bir çox funksiyaları qalacaq. Lakin onlar ABŞ-nin xarici siyasətinə uyğunlaşdırılmalıdır”, – Rubio bildirib.
Bundan əvvəl demokratlar və keçmiş diplomatlar USAID-in ləğvinə etirazlarını bildirərək, agentliyin bütün dünyada insanlara kömək etdiyini və yardımın ABŞ-nin dünya səhnəsində mövqeyini gücləndirdiyini iddia ediblər.
