Əlibəylidə yol problemi
Tovuz rayonunun sərhəddə yerləşən Əlibəyli kəndinin yolları istifadəyə yararsız vəziyyətdədir.
Bu barədə kəndin sakinləri məlumat verib.
Bildiriblər ki, yağış yağanda 2500 nəfər əhalisi olan kənddə insanların hərəkəti məhdudlaşır. Xüsusilə də məktəblilər dərsə gedib-gələndə əziyyət çəkirlər.
Sakinlər “Bölgənin Səsi” saytının vasitəsilə aidiyyatı qurumlara müraciət edərək yaranmış problemə tez zamanda bir çarə qılınmasını istəyiblər.
Qeyd edək ki, Əlibəyli kəndi Ermənistanın Noyambryan rayonunun Tauş kəndi ilə həmsərhəddir.
