Zelenski: “Rusiya Pasxa bayramından sonra hücumları bərpa edib “

Ukrayna Prezidenti Volodimir Zelenski Rusiyanın Pasxa bayramından sonra şiddətli hücumlarına yenidən başladığını və dünya ictimaiyyətini aldatmağa çalışdığını bildirib.

Qerbxeber.com “Unian“a istinadən xəbər verir ki, Ukrayna lideri bu barədə video müraciətində danışıb.

Zelenski, 26 aprel tarixində Vatikan və Romada keçirilən görüşlərin Ukraynanın tərəfdaşlarının baş verənləri anladığını təsdiqlədiyini vurğulayıb.

Həmçinin, Rusiya tərəfinin ABŞ-ın təkliflərinə hazır olduqlarını bəyan etdiyini, lakin Rusiyanın real sülhə hazırlıq işləri görmədiyini qeyd edib.

Prezident əlavə edib ki, Rusiya üzərində təzyiq göstərilməlidir: “Təzyiq olmadan müharibəni dayandırmaq mümkün olmayacaq.”