Dünya Bankı Yaponiya hökumətinin zəmanəti ilə Ukraynaya 1,2 milyard dollar kredit ayırmağı təsdiqləyib.
“Qərb Xəbər”məlumat verir ki, bu barədə TASS məlumat yayıb.
Maliyyə təşkilatının sənədində qeyd olunur ki, bu vəsaitlər “İnklüzivlik, davamlılıq və səmərəlilik üçün sosial müdafiəyə sərmayə qoyuluşu” (INSPIRE) layihəsi çərçivəsində “Ukraynanın ən həssas əhalisi” üçün 29 sosial yardım proqramını dəstəkləmək üçün istifadə olunacaq. Xüsusilə, kimsəsizlərə, qəyyumluqda olan uşaqlara, sosial cəhətdən həssas tələbələrə, həmçinin Çernobıl AES-də baş vermiş qəza və insan alveri qurbanlarına dəstək üçün pul ayrılır.
Bundan əvvəl Ukraynanın baş naziri Denis Şmıqal bildirib ki, Kiyev Avropa İnvestisiya Bankından təxminən 162 milyon avro, Norveçdən 190 milyon dollar və İsveçrədən 70 milyon dollar alacaq.
