Ukrayna və AB razılaşdı…

Oktyabrın 14-də Ukrayna və Avropa Birliyi bəzi tariflərdən imtina etmək və Ukraynanın AB-yə kənd təsərrüfatı məhsullarının ixracına kvotaları artırmaq qərarına gəlib.

Qerbxeber.com xəbər verir ki, bu barədə Ukrayna Baş nazirinin Avropa və Avro-Atlantik inteqrasiya üzrə müavini Taras Kaçki Feysbuk səhifəsində yazıb.

Qərar 15 gün ərzində, oktyabrın 29-da qüvvəyə minəcək. Bu, bir gün əvvəl Avropa Birliyi Şurasının Ukrayna ilə yeni ticarət sazişinin şərtlərini qəbul etdikdən sonra edilib.

“Ukraynalı ixracatçılar yeni ticarət rejimindən yararlana biləcəklər. Qərar ikitərəflidir və qeyri-müəyyən müddətə qüvvədədir”, – Kaçki bildirib.

Qeyd edək ki, AB Şurası Ukraynanın bir sıra kənd təsərrüfatı məhsullarına rüsumların azaldılması və ya ləğv edilməsi barədə qərar qəbul edib. Bu məhsullara süd məhsulları, təzə meyvə və tərəvəzlər, ət və ət məhsulları daxildir.