Szinpin məni “böyük dost” adlandırdı – İlham Əliyev

Çin və Azərbaycan yaxşı dostlardır. Mənim Sədr Si Szinpinlə dəfələrlə görüşmək imkanım olub. Sonuncu dəfə bir neçə ay bundan öncə bizim çox yaxşı görüşümüz olub.

“Qərb Xəbər” bildirir ki, bu barədə Prezident İlham Əliyev Çinin CGTN telekanalına müsahibəsində deyib.

İlham Əliyev Çin lideri ilə ötən ilin payızında beynəlxalq tədbirlərin birində görüşdüklərini xatırladıb:

“Bizim gələcək əməkdaşlığımız haqqında çox məhsuldar müzakirələrimiz oldu. “Bir kəmər, bir yol” sammiti çərçivəsində Pekində Sədr Si Szinpinlə görüşüm zamanı o məni Çinin böyük dostu adlandırdı. Bu mənim üçün böyük şərəf idi”.