ÜST: Dünyada koronavirusa yoluxma kəskin artıb

2023-cü il iyulun 24-dən avqustun 20-dək bütün dünyada təxminən koronavirusa 1,5 milyon yeni yoluxma halı qeydə alınıb ki, bu da əvvəlki 28 günlə müqayisədə 63 % çoxdur.

“Qərb Xəbər” xarici KİV-ə istinadən xəbər verir ki, bu barədə Ümumdünya Səhiyyə Təşkilatının (ÜST) həftəlik epidemioloji hesabatında deyilir.

Xəstəlikdən ölüm halı 2 min nəfərdən çox olub ki, bu da müvafiq olaraq 48 % azalma deməkdir.

ÜST hesab edir ki, hazırkı statistika dünyada testlərin azalması səbəbindən infeksiya nisbətlərini dəqiq əks etdirmir.