Suriyada dəhşət: ölənlərin sayı bir gündə 830-a çatdı

Suriyanın keçid hökumətinin ən azı 231 hərbçisi ölkənin qərbində respublikanın keçmiş prezidenti Bəşər Əsədin tərəfdarları ilə silahlı toqquşmalarda həlak olub.

Qerbxeber.com xəbər verir ki, bu barədə “Əl-Cəzirə” telekanalı məlumat yayıb.

Həmçinin qiyamın yatırılması üçün əməliyyatın aparıldığı bölgələrdə onlarla təhlükəsizlik mənsubu itkin düşüb.

Silahlı toqquşmalar Əsəd devriləndən sonra yeni hökumətə qarşı ən ciddi müqavimət hesab olunur.

Mülki sakinlər arasında ölənlərin sayı 500-ü ötüb.

***

Suriyanın Latakiya, Tartus və Xüms əyalətlərində hökumət qüvvələri ilə Əsəd tərəfdarları arasında baş verən toqquşmalarda ölən mülki vətəndaşların sayı bir gündə 532-dən 830-a yüksəlib.

Bu barədə “Şəfəq Nyus” məlumat yayıb.

Bildirilib ki, qurbanların əksəriyyəti əhalinin 12%-ni təşkil edən ələvi icmasına aiddir.