Şimali Koreya lideri Ukrayna ilə münaqişədə Rusiyaya hərbi dəstək verdiyini təsdiqlədi

Şimali Koreya ilk dəfə Ukrayna ilə münaqişədə Rusiyaya dəstək üçün qoşun göndərdiyini rəsmən təsdiqləyib.

Qerbxeber.com Globalinfo.az istinadən xəbər verir ki, bu barədə ölkənin Mərkəzi Xəbər Agentliyi (KCNA) məlumat yayıb.

“Bu, Hərtərəfli Strateji Tərəfdaşlıq Sazişi çərçivəsində baş verib. Şimali Koreya hərbçiləri bir neçə ay ərzində Kursk vilayətinin azad edilməsinə kömək ediblər. Əməliyyat uğurla başa çatıb”, – deyə bildirilib.

Agentlik əlavə edib ki, silahlı qüvvələrin bölmələri dövlət başçısı Kim Çen Inın əmrinə uyğun olaraq əməliyyatda iştirak ediblər:

“Pxenyanda Kursk vilayətində döyüşmüş koreyalıların şərəfinə abidə ucaldılacaq, ailələrinə dəstək veriləcək”.