Rəcəb Babaşov Ağköynək kəndi üzrə nümayəndəsini işdən qovub

Qazax rayon icra başçısı Rəcəb Babaşov Ağköynək inzibati ərazi üzrə nümayəndəsi Aydın Hacıyevi vəzifəsindən azad edib.

“Qərb Xəbər”in məlumatına görə, səbəb kimi bu gün rayonda narkomaniya ilə mübarizə mövzusunda keçirilən tədbirdə icra nümayəndəsinin R.Babaşovun suallarına cavab verə bilməməsi göstərilir.

Bildirilir ki, başçı öncədən ona kənd ərazisində narkotik alış-satışını təşkil edənlərlə bağlı statistika tərtib etməyi tapşırıbmış. Nümayəndə tədbirdə istənilən məlumatları təqdim edə bilmədiyi üçün vəzifəsindən azad olunub və tədbirin keçirildiyi zaldan qovulub.