Qazaxda veloyürüş turniri keçirilib

Qazaxda veloyürüş keçirilib

28 sentyabr saat 15:00 da Qazax rayon İcra Hakimiyyəti yanında Gənclərin Məşvərət Şurası maraqlı bir fəaliyyətlə region gənclərimizin qarşısına çıxdı.

“Qərb Xəbər”ə danışan Qazax rayonu üzrə şura sədri Pəri İbrahimova qeyd edib ki, əsas məqsədimiz plastik və kağız tullantılarının mübadiləsi vasitəsi ilə rayonumuzda təmizlik və sağlamlığa töhfə verməkdir. Yəni, bu layihəni icra etməklə biz velosipedləri park ərazisində sürmək üçün kirayəyə verib, istifadəyə yararlı tullantıların mübadiləsini həyata keçirəcəyik. Bu layihənin parçası olacaq gənclər həm əylənəcək həm də özləri də bilmədən tullantıların yenidən istifadəsinə şərait yaratmış olacaqlar.

Qeyd edək ki, velosipedlərdən istifadə etmək üçün yaxınlaşdıqda, üzərinizdə şəxsiyyət vəsiqəniz və tullantılar (kağız, butulka və s.) götürməyi unutmayın!