““DXR” və “LXR”in tanınması Qazaxıstanın gündəliyində deyil”
“Qondarma Donetsk və Luqansk Xalq Respublikalarının Qazaxıstan tərəfindən tanınması ölkənin gündəliyində deyil”.
“Qərb Xəbər” məlumat verir ki, bu barədə məlumatı jurnalistlərə ölkənin Baş nazirinin müavini – xarici işlər naziri Muxtar Tleuberdi açıqlayıb.
“Hazırda Qazaxıstanın rəsmi mövqeyi hazırlanır. Yaxın saatlarda Qazaxıstanın Təhlükəsizlik Şurasının iclası keçiriləcək və iclas zamanı biz rəsmi mövqeyimizi qəbul edəcəyik. Lakin qeyd etmək istəyirəm ki, “DXR” və “LXR”in tanınması barədə məsələ gündəlikdə deyil”, – deyə Tleuberdi bildirib.
Nazir, həmçinin əlavə edib ki, Qazaxıstan beynəlxalq ictimaiyyəti Ukrayna ətrafındakı vəziyyəti diplomatik üsullarla həllinə çağırır.
Qeyd edək ki, Qazaxıstanın Kiyevdəki səfirliyi hazırda işini davam etdirir. Bununla yanaşı, qazaxıstanlıların ölkədən mümkün təxliyəsi yolları nəzərdən keçirilir.
Bu gün paylaşılan digər xəbərlər
Bu gün heç bir yeni xəbər yayımlanmadı