Gündüz Şahvələdov: Vizual mediada peşəkarlıq böyük üstünlükdür
Dəyərli oxucular!
Bu gün sizə müasir mediada video və fotoqrafiyanın rolu haqqında danışmaq istəyirəm. Yaşadığımız dövr informasiya dövrüdür. Artıq insanlar xəbəri oxumaqdan çox, onu görmək və izləmək istəyirlər.
Bu səbəbdən video və foto media sahəsində ən güclü vasitələrə çevrilmişdir.
Bir şəkil min sözə bərabərdir deyirlər!
Doğrudan da, bir foto insanın hisslərini, sevincini, ağrısını və ya qürurunu saniyələr içində çatdıra bilir. Video isə hadisəni canlı şəkildə göstərərək tamaşaçını sanki həmin anın içərisinə aparır.
Müasir dövrdə sosial şəbəkələr – Instagram, YouTube, TikTok kimi platformalar video və fotoqrafiyanı daha da ön plana çıxarmışdır. Artıq hər kəs bir telefon vasitəsilə çəkiliş edib məlumat paylaşa bilir. Bu isə medianı daha sürətli və əlçatan etmişdir.
Lakin videoqraf və fotoqrafın böyük məsuliyyəti var. Çünki çəkilən görüntü cəmiyyətin fikrinə təsir edə bilər. Ona görə də düzgün informasiya vermək, etik qaydalara riayət etmək və həqiqəti göstərmək vacibdir.
Nəticə olaraq demək olar ki, müasir mediada video və fotoqrafiya sadəcə görüntü deyil, güclü təsir vasitəsidir. Gələcəyin mediası daha çox vizual olacaq və bu sahədə peşəkar olmaq böyük üstünlükdür.
Bu gün paylaşılan digər xəbərlər
Bu gün heç bir yeni xəbər yayımlanmadı