Çexiya Prezidenti Qərbin Rusiya və Çinlə strateji rəqabət erasına girdiyini bildirib

Qərb bir tərəfdən demokratiya ilə, digər tərəfdən avtoritar hökmdarlar arasında strateji rəqabət dövrünə qədəm qoyur.

“Qərb Xəbər” “České noviny”yə istinadən xəbər verir ki, bu barədə Çexiya Prezidenti Petr Pavelin təhsil aldığı Londondakı Kral Müdafiə Araşdırmaları Kollecinə səfər edərkən deyib.

Çexiya rəhbəri Ukraynaya qarşı təcavüzkar müharibə aparan Rusiyanı və iqtisadi vasitələrlə bütün dünyada təsirini gücləndirən Çini misal çəkib.

“Demokratik təfəkkürlü ölkələr onlara uğurla müqavimət göstərmək üçün birlikdə çalışmalıdırlar”, – Pavel bildirib.

Onun sözlərinə görə, potensial olaraq demokratik liderlərin tərəfində bəzi çatışmazlıqları olan, lakin demokratik olmağa çalışan və əməkdaşlığa hazır olan ölkələr olacaq.

“Digər tərəfdən, mövcud dünya düzənini dəyişmək istəyənlər beynəlxalq hüquq normalarını, beynəlxalq ticarət qaydalarını yenidən yazacaq, həmçinin bir sıra ölkələr üzərində daha çox təsir və güc əldə etmək niyyətinə girərlər”, – Çexiya Prezidenti əlavə edib.