Bakı-Ağstafa-Bakı marşrutu ilə əlavə qatar reysləri təyin edilib

Azərbaycan Dəmir Yolları” QSC (ADY) sərnişin tələbatını təmin etmək məqsədilə 25 və 26 aprel tarixlərində Bakı-Ağstafa-Bakı marşrutu üzrə əlavə qatar reysləri təyin edib.

Qurumdan Qerbxeber.com–a verilən məlumata görə, sözügedən reyslərə biletləri 10 faiz endirimlə dəmiryol kassalarından, ADY-nin rəsmi saytından və ya “ADY Mobile” tətbiqindən əldə etmək mümkündür.

Səfərlər Bakı-Ağstafa istiqaməti üzrə aprelin 25-i saat 09:15-də, Ağstafa-Bakı istiqaməti üzrə isə aprelin 26-da saat 15:00-da yola düşəcək.

Qeyd edək ki, bu istiqamətlər üzrə Bakı–Qazax–Bakı marşrutu ilə də gündəlik səfərlər təşkil olunur.