Ağstafada avtomobil aşıb, yaralılar var
Ağstafa rayonunda 3 nəfərin xəsarət alması ilə nəticələnən yol qəzası başverib.
Report xəbər verir ki, Ağstafa rayon Düzqışlaq kənd ərazisində “VAZ” markalı avtomobil idarəetmədən çıxaraq yolun kənarına aşıb. Nəticədə sürücü və 2 sərnişin yaralanıb. Yaralılar xəstəxanaya yerləşdirilib. Onlardan ikisinin vəziyyətinin ağır olduğu bildirilir.
Qeyd edək ki, aşan avtomobil taksi olub.
Faktla bağlı araşdırma aparılır.
