UEFA ÇL-da 1/8 final mərhələsinin cavab oyunlarına start verilib

Bu gün UEFA Çempionlar Liqasında 1/8 final mərhələsinin cavab oyunlarına start verilib.

Qerbxeber.com xəbər verir ki, günün birinci matçında “Barselona” azarkeşləri önündə “Benfika”nı qəbul edib.

Gərgin keçən qarşılaşmada qapılara 4 qol vurulub. Görüş Barselonanın 3:1 hesablı qələbəsi ilə yekunlaşıb.

Bu nəticə ilə “Barselona” adını 1/4 final mərhələsinə yazdırıb. Kataloniyalılar sonuncu dəfə 2019/20 mövsümündə Çempionlar Liqasının 1/4 finalında iştirak etmiş və həmin ilin qalibi “Bavariya”ya 2:8 hesabı ilə məğlub olaraq turnirlə sağollaşmışdı.

Gecənin matlarında isə “Bavariya” “Bayer”i 2:0, “İnter” isə “Feyenoord”u 2:1 hesabı ilə məğlub etməyi bacarıb.

Günün mərkəzi matçında isə “Liverpul” öz meydanında PSJ-ni qəbul edib.

Əsas vaxtı qonaqların minimal hesablı qələbəsi ilə başa çatan görüşdə qalib penaltilər seriyasında müəyyənləşib.

Fransa təmsilçisi rəqibini 4:1 hesabı ilə məğlub edib.

UEFA Çempionlar Liqası
1/8 final mərhələsi, cavab oyunları

11 mart

21:45 “Barselona” (İspaniya) – “Benfika” (Portuqaliya) 3:1
İlk oyun 1:0

00:00 “Bayer” (Almaniya) – “Bavariya” (Almaniya) 0:2
İlk oyun 0:3

00:00 “İnter” (İtaliya) – “Feyenoord” (Niderland) 2:1
İlk oyun 2:0

00:00 “Liverpul” (İngiltərə) – PSJ (Fransa) 0:1, pen. (1:4)
İlk oyun 1:0