KİV: Baş nazir istefa verəcək-İDDİA

Qerbxeber.com  bildirir ki, bu barədə Aktual.ge  “Radio Tbilisi”nin mənbəyə istinadən İrakli Kobaxidzenin yaxın zamanda postunu tərk edəcəyi haqda məlumatına əsasən xəbər yayıb.

Radioda iddia edilir ki, ölkədəki son hadisələr fonunda “Gürcü Arzusu” komandasında fikir ayrılığı yaranıb və bu, İrakli Kobaxidzenin istefası ilə nəticələnəcək.

“Bidzina İvanişvilinin qərarını prezident Makronun zəngi daha da sürətləndirəcək”, – deyə “Radio Tbilisi” öz mənbəsində istinadən məlumat yayıb.

Bu gün “Mtavari Arxi” telekanalı iddialı məlumat yayıb. Kanalın xəbərinə görə, “Gürcü Arzusu”nun daxilində münaqişə baş verib və nəticədə sabiq Baş nazir İrakli Qaribaşvili xəsarət alaraq Tbilisidəki Amerikan Xəstəxanasına yerləşdirilib. Hakim komandanın üzvləri bu məlumatı təkzib edərək bildiriblər ki, İrakli Qaribaşvili münaqişə deyil, idman zamanı aldığı xəsarət səbəbindən xəstəxanaya yerləşdirilib.