Həvəskar şəkildə dekorativ sənətlə məşğul olmağa başladı, indi şagirdləri var… – Video

Müsahibimiz Anar İsmayılov dekorativ tətbiqi incəsənətlə 2016-cı ildən məşğuldur.

Bu sənətə hər hansı bir müəllimdən dərs almadan həvəskar olaraq başlayan müsahibimiz Tovuz Gənclər Evi ilə tanışlıqdan sonra bu işlə peşəkar olaraq məşğul olub.

Belə ki gəncin ilk sərgisi 1 fevral 2017-ci ildə keçirilib. Tovuz Heydər Əliyev mərkəzində baş tutan sərgi Tovuz İcra Hakimiyyətinin də diqqətindən yayınmayıb. Gənclərə göstərdiyi nümunəyə və həyata keçirdiyi sərgiyə görə rayon İcra Hakimiyyəti tərəfindən təşəkkürnamə və qiymətli hədiyyə ilə təltif olunur.

Müsahibimiz uğurun qoxusunu almaqda davam edir, elə bu ərəfələrdə Tovuz Gənclər Evi ilə tanışlığı başlayır, müəsisənin direktoru Rauf Rüstəmovla həmsöhbət olan gəncə müəssisə tərəfindən emalatxana verilib.

Anar çevrəsində bu sahəyə marağı olan digər gəncləri toplayıb və onlara davamlı olaraq təlimlər keçir.

2018-ci ilin sonlarında Baku Cristal Holl-da təşkil olunan əl işləri sərgisində öz əl işlərini uğurla nümayiş etdirir.

Hamımıza məlum olan pandemiya dönəmində emalatxana öz fəaliyyətini dayandırıb.

Anar İsmayılov tək dekorativ tətbiqi incəsənətdə deyil, başqa sahələrdə də öz aktivliyini nümayiş etdirir və 2018-ci ildə Azərbaycan Respublikası Gənclər Fondunun 12-ci qrant müsabiqəsinin qaliblərindən olur.

Bölgə gənclərinin natiqlik bacarığının inkişaf etdirilməsi adlı layihəsini uğurla həyata keçirib.

Keçək müsahibəyə, görək, özü nə deyir: