Mədəniyyət Nazirliyinin “Öyrədərək öyrənirəm” layihəsi Qazax Dövlət Dram Teatrında həyata keçirilir

Azərbaycan Respublikası Mədəniyyət Nazirliyinin “Öyrədərək öyrənirəm” layihəsi çərçivəsində Qazax Dövlət Dram Teatrında, Füzuli Dövlət Dram Teatrının rejissoru Mirzə Nicatın məşqləri davam edir.

Qerbxeber.com xəbər verir ki, layihə çərçivəsində Jalə İsmayılın “Ametist xanım və Apatit bəy” pyesi əsasında “Love Butik” adlı tamaşa, eyni zamanda “Mən və Teatr Etikası” (Stanislavski sistemi) mövzusunda təlimlər nəzərdə tutulub. Layihənin məqsədi bölgə teatrlarındakı yaradıcı prosesi inkişaf etdirmək və onları paytaxt teatrlarında gedən proseslərə yaxınlaşdırmaqdır.

Tamaşanın quruluşçu rəssamı teatrın baş rəssamı Səyyat Məmmədov, bəstəkarı Vahid Bayramov, rejissor assistenti Kəmalə Eyyubovadır. Rolları teatrın aktyorları – Əməkdar artist Hacı Hacıyev, Yusif Qoca, Zəmanə Dərviş və Xanım Məmmədova canlandırır.