Almaniya Ukraynanı sonsuza qədər dəstəkləyə bilməyəcək

Almaniya Ukraynanı sonsuza qədər dəstəkləyə bilməyəcək.

” Qərb Xəbər “APA-ya istinadən xəbər verir ki, bunu Almaniyanın müdafiə naziri Boris Pistorius yerli “Zweites Deutsches Fernsehen” (ZDF) telekanalına müsahibəsində bildirib.

Pistorius qeyd edib ki, ölkəsi ilə Ukrayna NATO Alyansı çərçivəsində müttəfiq deyil və bu səbəbdən Almaniyanın Ukraynadakı münaqişəyə müdaxilə etmək kimi bir öhdəliyi yoxdur. Buna baxmayaraq, Almaniya əlindən gələni edir və Ukraynanı dəstəkləyir.

“İlk növbədə qeyd edim ki, biz Ukrayna ilə Alyans daxilində müttəfiq deyilik. Biz demək olar ki, bütün digər müttəfiqlərə və tərəfdaşlara göstərdiyimiz yardım səviyyəsində Ukrayna üçün əlimizdən gələni edirik”, – alman nazir bildirib.

O, həmçinin, əlavə edib ki, alman hərbi sənayesi Ukraynanı silah və sursatla lazımi templə təmin edə bilmir və yaranmış vəziyyətdə Ukraynanı sonsuza qədər dəstəkləmək mümkün deyil.

Pistoruis onu da qeyd edib ki, Ukrayna münaqişəsinin sonrakı taleyini proqnozlaşdırmaq çətindir.