Ərdoğan: “Taxıl sazişinin müddəti uzadılıb”
“Hər iki tərəflə apardığımız danışıqların sonunda martın 19-da başa çatacaq müqavilə müddətinin uzadılmasını təmin etdik”.
“Qərb Xəbər” xəbər verir ki, bunu Türkiyə Prezidenti Rəcəb Tayyib Ərdoğan Seddülbahir qalası və Gelibolu-Eceabat dövlət yolunun açılış mərasimində çıxışı zamanı bildirib.
Qeyd edək ki, Ukrayna taxılının Qara dəniz vasitəsilə dünya bazarına çıxarılmasını nəzərdə tutan sazişin müddəti daha 120 gün uzadılıb.
Xatırladaq ki, Rusiyanın Ukraynaya qarşı müharibəsi ötən il fevralın 24-dən başlayıb. Nəticədə Ukrayna taxılının dünya bazarına çıxarılması mümkünsüz olub.
2022-ci ilin iyul ayında İstanbulda Türkiyə, Rusiya, Ukrayna və BMT arasında Ukrayna taxılının dünya bazarına daşınması üzrə saziş imzalanıb.
Bu gün paylaşılan digər xəbərlər
Bu gün heç bir yeni xəbər yayımlanmadı