Saakaşvili ilə bağlı verilən qərardan sonra ölkənin iki müxalif partiyası parlamentdən imtina etdi

“Vahid Milli Hərəkat” və “Strategiya Ağmaşenebeli” partiyaları parlament fəaliyyətlərini dayandırıb.

“Qərb Xəbər” məlumat verir ki, bu barədə “VMH”nın sədri Levan Xabeişvili keçirdiyi brifinqdə, “Strategiya Ağmaşenebeli”nin deputatı Paata Mancqaladze isə mətbuata verdiyi açıqlamasında bildirib. “VMH” sədri Levan Xabeişvili deyib: “Bizim bu istiqamətdə gündəlik fəaliyyətimiz olacaq. Ölkənin Avropa gələcəyini öldürənlərin hər birini sorğulayacağıq. Unutmayın ki, artıq sizin dinc, qayğısız həyatınız bitdi. Siz hər yerdə problemlərlə üzləşəcəksiniz. Milli Hərəkat bundan sonra Gürcü arzusu ilə hər hansı bir müzakirədə iştirak etməyi və oyunlara qatılmağı planlamır. Biz parlamentdəki fəaliyyətimizi dayandırırıq. Tərəfdaşlar çox yaxşı bilməlidirlər ki, biz belə hərəkət etməyə məcburuq, çünki sabiq prezident Saakaşvilinin sağlamlığı və həyatı risk altındadır”. “Staretgiya Ağmaşenebeli”nin üzvü Paata Mancqaladzenin sözlərinə görə, onun təmsil etdiyi partiya da parlanent fəaliyyətini dayandırmaq qərarı alıb.

Mancqaladze qeyd edib ki, onlar müxalifətlə danışıqlar aparmağa və ümumi fəaliyyət planı üzərində işləməyə çalışacaqlar.

Məlumat üçün bildirək ki, ötən gün Tbilisi şəhər məhkəməsi sabiq prezident Mixeil Saakaşvilinin vəkillərinin cəzanın təxirə salınması və ya onun azadlığa buraxılması ilə bağlı vəsatətini rədd edib və onu həbsdə saxlayıb.