Şəhid Ayaz Nəzərov dəfn edilib – Video
Yanvarın 11-i günorta saatlarında Azərbaycan-Ermənistan dövlət sərhədinin Kəlbəcər rayonu istiqamətində şəhid olan müddətdən artıq həqiqi hərbi xidmət qulluqçusu əsgər Ayaz Nəzərovla Tovuzda vida mərasimi keçirilib.
“Qərb Xəbər”in məlumatına görə, o, bu gün doğulduğu Bozalqanlı kəndində torpağa tapşırılıb.
Şəhid A.Nəzərov 16 iyun 1998-ci ildə Tovuz rayonunun Bozalqanlı kəndində anadan olub. Tovuz Dövlət Sosial-İqtisadi kollecinin məzunu olub. Ayaz evin ikinci övladıdır. Bir qardaş, bir bacısı var. Subay idi.
6 ay sonra 3 il olacaqdı ki, Ayaz Nəzərov Azərbaycan Ordusunda müddətdən artıq həqiqi hərbi xidmət qulluqçusu olaraq çalışırdı. Bir ay idi xidmətini davam etdirmək üçün Kəlbəcərə ezam olunmuşdu.
O, ordu sıralarında həkim-feldşer olaraq xidmət edib. Növbəti dəfə yaralı yoldaşını döyüş meydanından çıxaran zaman Ermənistan silahlı qüvvələrinin açdığı snayper atəşi nəticəsində şəhid olub.
Allah Rəhmət Eləsin!
Bu gün paylaşılan digər xəbərlər
Bu gün heç bir yeni xəbər yayımlanmadı