BMT rəsmisi: “İranda dəyişiklik qaçılmazdır”

“İranda dəyişiklik qaçılmazdır, irəliyə doğru yol əhatəli islahatlardan keçir”.

“Qərb Xəbər” “Report”a istinadən xəbər verir ki, bunu BMT-nin İnsan Hüququları üzrə Ali komissarı Folker Türk noiyabrın 24-də qurumun İnsan Hüququları üzrə Şurasının xüsusi iclasında bildirib.

Ali komissar qeyd edib ki, cəmiyyətlər daim inkişaf edir və dəyişir. O, İran hakimiyyətinə müraciət edərək vurğulayıb:

“Heç bir cəmiyyət bir anda mövcud ola bildiyi müddətcə daşlaşa bilməz. Xalqın iradəsinə zidd olaraq bunu etməyə cəhd etmək əbəsdir. Mən İranda hakimiyyətdə olanları davamlı inkişafın tərkib hissəsi olan fundamental ifadə, birləşmə və toplaşma azadlıqlarına tam hörmət etməyə çağırıram. İran xalqı ilə öz ölkəsinin gələcəyi ilə bağlı baxışları haqqında danışın”.