Paşınyan katolikos II Qaragini dövlət çevrilişinə dəstək verməkdə ittiham etdi

“Əgər Ktriç Nersisyan (II Qaregin – red.) Vazgen Qalstanyan (Baqrat) və Gevorq Acapaxyanın həbsini qanunsuz hesab edirsə, deməli, o, adıçəkilən şəxslərin əməllərini və ölkədə hərbi çevriliş etmək,  xaos yaratmaq planlarını və ideologiyasını dəstəkləyir”.

Qerbxeber.com bildirir ki, bunu Ermənistanın Baş naziri Nikol Paşinyan Feysbuk hesabında paylaşıb.

“Bu halda, Vaqarşapatın genişləndirilmiş icmasına daxil olan heç bir ərazi hüquq-mühafizə orqanlarının fəaliyyətindən kənarda qala bilməz. Xüsusilə də ona görə ki, Ktriç və bir neçə digər şəxsin sayəsində həmin ərazilər əxlaqsız davranışlar üçün hələ də əlverişlidir”, – o qeyd edib.

Qeyd edək ki, ötən ay arxiyepiskop Vazgen Qalstanyanın lideri olduğu hərəkatın Ermənistanda terror və hakimiyyəti ələ keçirmək cəhdinin qarşısı alınıb.