Traktor istehsalı artıb
Bu ilin yanvar-may aylarında Azərbaycanda 239 traktor istehsal olunub ki, bu da illik müqayisədə 2,3 dəfə çoxdur.
Dövlət Statistika Komitəsinin məlumatına görə, təkcə may ayında 77 vahid sözügedən texnikadan buraxılıb ki, bu da aprel ayı ilə müqayisədə 6,9% çoxdur. İyunun 1-nə hazır məhsul ehtiyatı 70 traktor təşkil edib.
Qeyd edək ki, 2020-ci ildə Azərbaycanda 300 traktor istehsal olunub, bu da illik müqayisədə 66,9% azdır. Ölkədə traktorların istehsalı ötən ilin may ayından etibarən dayandırılmışdı və yalnız avqustda bərpa olunaraq dekabrda qədər davam edib və bu ilin fevralından yenidə bərpa olunub.
Xatırladaq ki, 2020-ci il ərzində Azərbaycan xaricdən 44,458 mln. ABŞ dolları (75,579 mln. manat) dəyərində 1 986 vahid müxtəlif növ traktor idxal edib.
