İsrail və Suriya arasında sülh sazişi imzalanırmı?

İsrail və Suriya arasında sentyabrın 25-də ABŞ-ın vasitəçiliyi ilə təhlükəsizlik sazişi imzalana bilər.

Qerbxeber.com xəbər verir ki, bu barədə İsrail mətbuatı məlumat yayıb.

Məlumata görə, saziş Suriya Prezidenti Əhməd əş-Şaranın BMT Baş Assambleyasında ilk çıxışını etməsindən bir gün sonra imzalanacaq.

Bildirilib ki, sözügedən saziş İsrail və Suriya arasında olan gərginliyi azaltmaq məqsədi daşıyacaq. Lakin yaxın gələcəkdə iki ölkə arasında genişmiqyaslı sülh müqaviləsinin imzalanması gözlənilmir.

Suriya hökuməti yayılan məlumatları təkzib edib.