TÜRKİYƏNİN GƏNCLƏR VƏ İDMAN NAZİRLİYİNİN NÜMAYƏNDƏ HEYƏTİ AĞSTAFA RAYONUNA SƏFƏR EDİB
Türkiyə Respublikasının nümayəndə heyəti gənclər və idman sahəsində əməkdaşlığa yönəlmiş mütəxəssis mübadiləsi proqramı çərçivəsində Ağstafa RİH başçısı Seymur Orucovla görüşüb.
Qerbxeber.com bildirir ki, Ağstafa Rayon İcra Hakimiyyəti başçısı aparatının inzibati binasında təşkil olunan görüşdə Ortahisar Rayon Gənclər və İdman İdarəsinin müdiri Yunus Ali Civil, nümayəndə heyətinin digər üzvləri, Faruk Asma Hayder, Metin Çabuk İrfan, Süleyman Bacıoğlu Sadettin, Emre Kaya Selahattin, Gökmen Kaptan Mevlüt, Abdulkadir Günal Hasan, Mihraç Paslı Kemal, İlkay Şahin Yusuf, həmçinin Azərbaycan Respublikası Gənclər və İdman Nazirliyinin İdman şöbəsinin sektor müdiri Ülviyyə Hacıyeva və aparıcı məsləhətçisi Mikayıl Novruzov, Qazax-Tovuz Regional Gənclər və İdman İdarəsinin rəisi Əziz Məsmalıyev və rayonun məsul şəxsləri iştirak ediblər.
Görüşdə “İdman mütəxəssisi Mübadilə Proqramı”nın yüksək əhəmiyyətindən söz açılıb, idman və gənclər sahəsində Azərbaycan-Türkiyə əməkdaşlığının da yüksək səviyyəsi, hərtərəfli əlaqələrin gücündən və sarsılmazlığından xəbər verildiyi qeyd olunub.
Seymur Orucov tarixi köklərlə bir birinə bağlı olan Azərbaycan və Türkiyənin bütün münasibətlərini İlham Əliyev və Rəcəb Tayyib Ərdoğanın rəhbərlikləri ilə qardaşlıq prinsipləri əsasında dövlətlər arası münasibətlərin dünya siyasi tarixində rast gəlinməyən şəkildə davam etdiyini vurğulayib.
