“Mən Tina Bokuçavanın yeni sədr seçilməsini və partiyanın yenilənməsi istiqamətində atılan addımları dəstəkləyirəm”.

Qerbxeber.com  xəbər verir ki, bu barədə Gürcüstanın eks prezident Mixeil Saakaşvili sosial şəbəkə hesabında  qeyd edib. Onun sözlərinə görə, partiyanın aldığı qərar “Vahid Milli Hərəka”tın daim yenilənməsi və güclənməsinin nümunəsidir:

-“Mən Levanın siyasi motivli fiziki hücum nəticəsində zərər çəkmiş sağlamlığının qeydinə qalması və Partiyanın sədri vəzifəsindən parlamentin siyasi şurasının sədri vəzifəsinə keçməsi qərarını alqışlayıram. Levanın tez bir zamanda reabilitasiyadan keçməsi və həlledici döyüşdə fəal iştirak etməsi çox vacibdir. Biz bütün siyasi qüvvələrin birləşməsi üçün əlimizdən gələni etməliyik. Bu gün xalqın və xüsusən də gənclərin istəyi budur. Uğurlu dövlət quruculuğu ənənəsinə və daim yeniləşmə prosesinə əsaslanacaq “VMH” yeni simalarla, yeni ideyalarla bu istiqamətdə tamamilə yenidən qurulacaq”, – deyə Saakaşvili qeyd edib.

Qeyd edək ki, Gürcüstanın “Vahid Milli Hərəkat” partiyasının sədri Levan Xabeişvili vəzifəsindən istefa verib və onu Tina Bokuçava əvəz edəcək .