Şəmkirin bədii gimnastları Bakıda təlim-məşq toplanışı keçirlər

Şəmkir və Sumqayıtın bədii gimnastları Bakıda təlim-məşq toplanışında iştirak edirlər.

“Qərb Xəbər” “Report”a istinadən bildirir ki, Milli Gimnastika Arenasındakı hazırlıq prosesinə 9 idmançı qatılıb.

Toplanışda gimnastlara təcrübəli mütəxəssislərin rəhbərliyi altında ümumi və fiziki hazırlıq, atlet texnikası üzrə məşqlər keçirilir.

Bundan əlavə, onların proqramlarının təkmilləşdirilməsinə də diqqət yetirilir.

Qeyd edək ki, Sumqayıt Olimpiya Kompleksində 2011-ci, Şəmkir Gənclər Evində isə 2019-cu ildən bədii gimnastika bölmələri fəaliyyət göstərir.