Rusiya bankları SWIFT beynəlxalq ödəniş sistemindən çıxarılacaq, Aİ rəhbəri Ursula von der Leyen belə deyib
Bu barədə, “Qərb xəbər” Euronews –a istinadən xəbər verir. Bu barədə Avropa İttifaqının qərarını açıqlayarkən, çıxışına-“ Rusiyanın barbarcasına hücumu ifadəsi ilə başlayan xanım Von der Leyen,
bu addımın “onların dünya miqyasında fəaliyyətini dayandıracağını və Rusiyanın ixrac və idxalını effektiv şəkildə bloklayacağını”söyləyib.”Eyni zamanda Aİ-nın bu qərarı Putinin Ukraynada müharibəni maliyyələşdirmək imkanını məhdudlaşdırmaq məqsədi güdür.” deyə qeyd edib.
Bununla belə, Von der Leyen nə qədər əlaqənin kəsiləcəyini açıqlamayıb, yalnız “müəyyən sayda” bankın təsirlənəcəyini bildirib.
Avropa Komissiyasının sədri Von der Leyen, bu addımın ABŞ, Böyük Britaniya və Kanada da daxil olmaqla digər ölkələrlə razılaşdırıldığını söylədi.
Şənbə günü axşam saatlarında elan edilən digər tədbirlərə rus oliqarxlarının Aİ maliyyə bazarlarında aktivlərdən istifadəsinin dayandırılması daxildir.
Aİ liderləri artıq Rusiyanın maliyyə, enerji və nəqliyyat sektorlarını hədəf alan, yarımkeçiricilər də daxil olmaqla, ixraca nəzarəti gücləndirən və viza verilməsini məhdudlaşdıran iki raund sanksiyaları təsdiqləyiblər. Cəzalara həmçinin səyahət qadağası və prezident Vladimir Putinin yaxın ətrafının aktivlərinin dondurulması daxildir.
Qeyd edək ki,Şənbə günü səhər saatlarında Ukrayna prezidenti Volodimir Zelenski Rusiyanın SWIFT-dən çıxarılmasını və ölkəsinin sürətlə Aİ-yə daxil olmasına icazə verilməsini istəyib.
https://twitter.com/i/broadcasts/1dRKZlRMowvJB?ref_src=twsrc%5Etfw%7Ctwcamp%5Etweetembed%7Ctwterm%5E1497694812018991112%7Ctwgr%5E%7Ctwcon%5Es1_&ref_url=https%3A%2F%2Fwww.euronews.com%2F2022%2F02%2F26%2Fsome-russian-banks-will-be-cut-off-from-swift-international-payments-system-says-eu-chief
