Mariya Zaxarova Gürcüstanla bağlı Ukrayna və Moldova liderlərini tənqid etdi

Rusiya Xarici İşlər Nazirliyinin sözçüsü Mariya Zaxarova Moldova və Ukrayna prezidentləri Maya Sandu ilə Volodimir Zelenskinin Gürcüstanla bağlı tənqidi bəyanatlarını “Qərbin siyasi sifarişi” adlandırıb.

Qerbxeber.com xəbər verir ki, Zaxarova prezidentləri Gürcüstanı təhqir etməkdə də ittiham edib.

“Bu diapazon (bəyanatların sərtliyi) heyrətləndiricidir. Baxın, bunlar Gürcüstan rəhbərliyinə ünvanlanmış sözlər deyil, onlar Gürcüstan və onun xalqını təhqir edirlər. Bəs niyə? Çünki bunu sifariş edən kuratorlardır. Bu, Qərbin əmr etdiyi eyni siyasi tərbiyəsizlikdir; təzyiq lazım olanda düyməni basırlar”, – diplomat bildirib.

Qeyd edək ki, Maya Sandu bundan əvvəl “Gürcüstan Rusiyanın müstəmləkəsinə çevrilib” deyən moldovalıları bu səhvləri təkrarlamamağa və Avropa yolu uğrunda mübarizəyə çağırıb. Volodimir Zelenski də öz növbəsində BMT Baş Assambleyasında çıxışı zamanı bəyan edib ki, Avropa Gürcüstanı itirir. Ukrayna lideri həmçinin Gürcüstanda insan haqlarının vəziyyətinin pisləşdiyini qeyd edib.