Koronavirusa qarşı Pfizer vaksinin yaradıcısı Uğur Şahin yeni bir dalğanın qarşıda olduğunu deyib.
Onun sözlərinə görə, insanlar bu dəfə yeni dalğada maska taxmağa məcbur qalacaq: “Yeni koronavirus dalğası bu payız-qış aylarında başlayacaq. Bu dalğanın necə olacağı barədə bir şey demək hələki tezdir”.
Bütün dünyada artıq koronavirusun bitdiyi elan edilən bir vaxta verilən bu açıqlama insanlarda çaşqınlıq yaradıb.
Məsələ ilə bağlı “QərbXəbər”ə infeksionist-hepatoloq Mərdan Əliyev danışıb. Onun sözlərinə görə, ümumiyyətlə payız aylarında virusların aktivləşməsi baş verir: “Təhsillə əlaqədar burada müxtəlif faktorlara da təsiri var.
Buna yaz-yay aylarında bu xəstəliklərin yoluxması minimal səviyyədə olur. Koronovirusda kənar xəstəliklər faktoruna daxil olduğu üçün bu şərtlər onada daxildir. Buna görə payız mövsümündə əlbətdə ki, qripin digər bir infeksiyadan aktivləşməsidə müşahidə edilir. Bu qaydada koronovirus olaraq bu baş verir. Ona görə də bu olacaq amma onun pandemiya şəklində olması, epidemiya şəklində olması təbii ki gözlənilir. Niyə? Çünki artıq bizdə kolektiv ümumilikdə formalaşıb.”
Mərdan Əliyev bildirir ki, cəmiyyətimizin əksər üzvü təqribən 80%-i koronovirus xəstəliyinə yoluxub sağalıb: ”Buna görə 2- ci dəfə bu xəstəliyə yoluxma baş vermir. Əksər hallarda baş versə də, xəstəxana şəraiti tələb edilmir. Yəni insanlar ev şəraitində də bunun öhdəsindən gələ bilirlər. Yaxud da ki, yüngül anbulator şəkildə müalicə almaqla. Buna görə yenidən pandemiyanın olması və yaxud da, epidemiya şəklində baş verməsi gözlənilən deyil”.
Vüsalə Kərimova