Kredit götürən şəxs vəfat edərsə, onun kreditini kim ödəməlidir?

2024-cü il dekabr ayının 1-nə Azərbaycanda ödəmə vaxtı keçmiş kreditlərin məbləği ümumi kredit portfelinin 1,7 faizini təşkil edib. Ödəmə vaxtı keçmiş kreditlərin məbləği 496,6 milyon manat olub və bu da əvvəlki illə müqayisədə 12,8 faiz artım deməkdir.

Müəyyən səbəblərdən kredit ödənişində yaranmış çətinlik ölkədə ödəmə vaxtı keçmiş kreditlərin fazi göstəricisinə təsir edir. “Mülki Məcəllə”yə görə, kredit götürən şəxs dünyasını dəyişərsə kredit borcu onun mülkiyyəti hesabına ödənilir.

Kredit müqaviləsi ərzində borclu vəfat edərsə və ya əmək qabiliyyətini itirərsə, kredit götürən şəxsin həyatı sığortalanıbsa, yalnız bu halda borc sığorta şirkəti tərəfindən ödənilir. Bu sığorta məhsulu vərəsələrin (və ya zamin) kredit borcunu ödəmək məcburiyyətindən qoruyur.

Beynəlxalq praktikaya uyğun olaraq, Azərbaycanda da kreditləşmə zamanı sığortadan istifadə vacib hesab olunur. Əgər krediti götürən şəxs həyat sığortasından istifadə edərsə, bu halda onun bütün riskləri sığortalanmış olur və borclanma onun ailəsi üçün hər hansı potensial çətinlik yaratmır.

Eyni zamanda, “Kredit Həyat Sığortası” məhsulu çox sərfəli qiymətə təklif olunur. Kredit götürən şəxs bu sığorta növü ilə həm özünü, həm də ailəsini gözlənilməz hadisələrə qarşı qoruyur.

Ətraflı məlumat üçün (012) 942 nömrəsi ilə əlaqə saxlaya bilərsiniz: https://pasha-life.az/products/kredit-heyat-sigortasi/