Gəncə şəhər stadionunda aparılan əsaslı yenidənqurma işləri ilə əlaqədar olaraq “Kəpəz” klubu ev oyunlarını Tovuz şəhər stadionunda keçirəcək.
“Qərb Xəbər” Peşəkar Futbol Liqasının (PFL) rəsmi saytına istinadən xəbər verir ki, Gəncə təmsilçisinin rəsmi müraciəti, “Turan Tovuz”un razılıq məktubunu nəzərə alan (PFL) “Kəpəz” klubunun Tovuz şəhər stadionunda oynaması ilə bağlı qərar qəbul edib.
Tərəflərin razılığı ilə “Kəpəz” qonaqlarını qış fasiləsinədək bu arenada qəbul edəcək. “Kəpəz” klubunun əvəzedici heyəti isə Gəncə şəhər stadionunun ehtiyat meydançasından istifadəyə davam edəcək.
Yuxarıda qeyd olunan məqamlarla əlaqədar olaraq PFL Azərbaycan Premyer Liqasının və Əvəzedicilər Liqasının 10-cu turunun cədvəllərində aşağıdakı dəyişiklikləri həyata keçirib.
Azərbaycan Premyer Liqası
10-cu tur
21 oktyabr
15:00. “Kəpəz” – “Zirə”
Tovuz şəhər stadionu CBC Sport /canlı
Əvəzedicilər Liqası
10-cu tur
19 oktyabr
14:00. “Turan Tovuz” – “Qarabağ”
Tovuz şəhər stadionu
