Türk ordusu bu ölkəyə yerləşir
Türkiyə ilə Afrika ölkəsi – Çad arasında əlaqələrin güclənməsi və müdafiə sahəsində əməkdaşlıq Fransa mediasında ciddi narahatlığa səbəb olub.
Qerbxeber.com xəbər verir ki, Fransa ordusunun ötən ilin dekabrında Çaddan çıxmasından sonra Türkiyə PUA-larının bu ölkədəki Faya-Largeau aviabazasına yerləşdirildiyi iddia edilib. Türk PUA-larının hərbi məqsədlə Çada gətirildiyi deyilir.
Üstəlik, bazada mütəxəssislər, “Bayraqdar” şirkəti əməkdaşları və xidmət üzrə heyətin olduğu bildirilib.
“Türkiyə getdikcə Afrika ordularının imtiyazlı tərəfdaşına çevrilir. Türkiyə regiondakı boşluqları doldurur və Afrikada böyük ideyalar arxasınca gedir, bir çox ölkə qarşısında özünü təsdiqləyib”, – Fransa mediası yazır.
Qeyd edilir ki, Fransa siyasi rəhbərliyi Türkiyənin Çadda hərbi baza yaradacağından da narahatdır.
Bu gün paylaşılan digər xəbərlər
Bu gün heç bir yeni xəbər yayımlanmadı