Ağstafa rayonu Düzqışlaq kəndində yaşayan Hüseynovlar ailəsi maddi baxımdan ciddi problemlə üzləşib. Çıxış yolu üçün kanalımıza müraciət edən həmsöhbətimiz Ramilə Hüseynova bildirir ki, dolanışıqları üçün heç bir gəlir mənbəyi yoxdur.
Əvvəllər həyat yoldaşının xəstəliklə əlaqədar pensiya aldığını deyən Ramilə xanım səbəbsiz yerə onun da kəsildiyini iddia edir. Gənc ailənin son 3 ildə getmədiyi aidiyyatı qurum, döymədiyi qapı qalmayıb. Şəraitsiz evdə yaşayan qəhrəmanımız bir yandan işsizlik problemi qarşısında, digər tərəfdən də, uşaqların gündən-günə artan tələbatının ödənilməsində aciz qaldığını deyir.
Görünür, bu sağlam, gənc Azərbaycan ailəsinin güzəranı, yaşadığı maddi çətinlik 3 ildə heç bir səlahiyyətli qurumu narahat etməyib. Dərdini “Qərb Xəbər”ə danışan Ramilə xanım isə ümidini itirmədiyini bildirir.
Sonda Hüseynovlar ailəsi dövlət başçımız cənab İlham Əliyevdən və müvafiq qurumlardan işlə təmin olunmasını sosial porblemlərinin həll olunmasını xahiş edib.
