Gürcüstan və Çin hökumətləri arasında adi pasportlara malik olan şəxslərin viza tələblərindən qarşılıqlı azad edilməsi haqqında saziş imzalanıb. Qerbxeber.com 24News.ge -yə istinadən xəbər verir ki, bununla bağlı  Gürcüstan Xarici İşlər Nazirliyi məlumat yayıb. Məlumata əsasən, sözügedən sənədi Gürcüstanın xarici işlər naziri İliya Darçiaşvili və Çin Xalq Respublikasının Gürcüstandakı səfiri Çou Tsien imzalayıblar. XİN rəhbərinin sözlərinə görə, ikitərəfli vizasız rejimin mövcudluğu xalqlar arasında dostluğun möhkəmləndirilməsi, ölkələr arasında iqtisadi əlaqələrin  inkişafı və dərinləşməsi baxımından mühüm şərtdir. Qeyd edək ki, müqavilə qüvvəyə mindikdən sonra Gürcüstan vətəndaşlarına Çin Xalq Respublikasına vizasız getmək və hər dəfə 30 gün ərzində ölkədə qalmaq imkanı verəcək. Müqavilə iki dövlət tərəfindən dövlətdaxili hüquqi prosedurların tamamlanmasından sonra qüvvəyə minəcək.