Gürcüstan seçkilərinin sonu,nəticələr.Proses yekunlaşdı?

Bu gün saat 08:00-a olan məlumata görə, 3018 seçki məntəqəsinin səs faizləri ilə hakim “Gürcü arzusu” partiyası 54,24 faiz səsə (1087,801 seçici səsinə) malikdir.

Bu barədə  Gürcüstan MSK-nın saytında dərc edilib. Digər dörd müxalifət birliyinə gəlincə, hazırda onların məlumatları ümumilikdə 37,33 faiz təşkil edir. Daha dəqiq desək: “Dəyişiklik üçün koalisiya” – 10,81% (216 691 səs); “Birlik – Milli Hərəkat” – 10,07% (201 937 səs); “Güclü Gürcüstan” – 8,72% (174 921 səs); “Gürcüstan üçün” – 7,73% (154 916 səs). Qeyd olunur ki, ümumi 3111 məntəqədən 93 məntəqənin səsləri sayılmaqda davam edir.

Məlumat üçün bildirək ki, müxalifət partiyaları seçkilərin nəticələrini tanımadıqlarını bəyan ediblər.

“Birlik – Milli Hərəkat” və “Dəyişiklik Koalisiyası”nın liderləri bəyanat verərək, MSK-nın elan etdiyi nəticələri tanımadıqlarını bəyan ediblər.

Qerbxeber.com 24News.ge-yə istinadən xəbər verir ki, partiya liderləri seçkilərin nəticələrinin oğurlandığını bildiriblər. Bildirilib ki, hakim “Gürcü arzusu” müxalifətin qələbəsini tanımalı olacaq. Partiya liderləri qeyd ediblər ki, Avropanın gələcəyini bərpa etmək üçün mübarizə davam edəcək.