Ermənistan səfiri Rusiya XİN-ə çağırıldı
Rusiya xarici işlər nazirinin müavini Mixail Qaluzin Ermənistanın Moskvadakı səfiri Qurgen Arsenyanla görüşüb .
Qerbxeber.com xəbər verir ki, bu barədə Rusiya Xarici İşlər Nazirliyinin bəyanatında qeyd olunur.
Arsenyana bildirilib ki, Ermənistanın Vladimir Zelenskinin Rusiyaya qarşı terror təhdidlərini səsləndirməsi üçün platforma təqdim etməsi qəti şəkildə qəbuledilməzdir.
“7 may tarixində Ermənistan Respublikasının Rusiya Federasiyasındakı fövqəladə və səlahiyyətli səfiri Qurgen Arsenyan Rusiya Xarici İşlər Nazirliyinə çağırılıb. O, Rusiya Federasiyası xarici işlər nazirinin müavini Mixail Qaluzin ilə görüşüb. Diplomatik missiyanın rəhbərinə Kiyev rejiminin lideri Volodimir Zelenskinin Ermənistanda Rusiyaya qarşı terror təhdidlərini səsləndirməsi üçün platforma təmin etməsi qəti şəkildə qəbuledilməzdir”, – deyə nazirlik vurğulayıb.
