Danışıqların növbəti raundu ilə bağlı ABŞ Dövlət Departamentindən açıqlama

“Birləşmiş Ştatlar Ermənistan və Azərbaycan arasında danışıqların müxtəlif məkanlarda, o cümlədən liderlərin Kişineuda keçirilən son görüşünə getməsindən məmnundur. Tərəflər Cənubi Qafqaz regionu üçün dinc gələcəyə can atmağa davam etdiyi üçün biz danışıqların növbəti raundunu Vaşinqtonda keçirməyi səbirsizliklə gözləyirik”.

Bu barədə ABŞ Dövlət Departamentinin mətbuat xidmətindən məlumat verilib.

Məlumatda bildirilib ki, görüşün tam vaxtı bilinməsə də, ABŞ danışıqlar üçün lazım olan tədbirləri tam həyata keçirib.

“Birbaşa dialoq problemlərin həlli və davamlı və layiqli sülhə nail olmaq üçün açardır. Danışıqların növbəti raundunun dəqiq tarixinə gəlincə, hazırda açıqlamaq üçün konkret tarixlərimiz yoxdur”, – deyə sorğuya cavab olaraq bildirilib.