Azərbaycan Respublikasına rəsmi səfərə gələn Bolqarıstan Respublikasının Prezidenti Rumen Radevin mayın 8-də rəsmi qarşılanma mərasimi olub.
Hər iki ölkənin Dövlət bayraqlarının dalğalandığı meydanda Bolqarıstan Prezidentinin şərəfinə fəxri qarovul dəstəsi düzülüb.
Rəsmi qarşılanma mərasimindən sonra, Azərbaycan Prezidenti İlham Əliyevlə, Bolqarıstan Prezidenti Rumen Radev arasında təkbətək görüş keçirilib.
Daha sonra, Nümayəndə heyətlərinin geniş tərkibdə görüşü olub.
Prezidentlər birgə bəyannamə imzalayıblar.Azərbaycan və Bolqarıstan Respublikaları arasında bir-sıra sənədlər imzalanıb.
Sonra Prezidentlər birgə mətbuata açıqlama veriblər.
Bolqarıstan Prezidenti və Birinci xanımın şərəfinə rəsmi nahar verilib.