Qazaxda mövcud problemlər və əhalinin durumu

Qazaxda yaşayan ictimai fəallar rayonun mövcud problemləri, əhalinin hazırki durumu və məşğuliyyəti barədə nə düşünürlər?

İctimai fəal Şəhadət Abbasov: “Qazaxda əhali əsasən ticarətlə məşğul olur: “İnsanlar ailəsini dolandırmaq üçün nəsə ilə məşğul olmağa çalışır. İşləyənlər də ancaq ticarət obyektlərində çalışırlar. Bu da rayonda o qədər çox deyil, bir-iki bazar və ticarət obyekti. Yəni, bununla istər-istəməz hamını işlə təmin etmək mümkün deyil.
İctimai fəal Elmar Rzalı qeyd edir ki, rayonda əsas prioritet məsələ işsizliklə bağlıdır. “Ümumiyyətlə, gənclər sektorunda çalışdığıma görə deyə bilərəm ki, gəncləri hazırda düşündürən əsas problem məşğulluqla bağlıdır. Qazax rayonunda kifayət qədər iş yerlərinin olmaması səbəbi ilə ali təhsil alan gənclərin böyük əksəriyyəti rayona qayıtmır, paytaxtda və ölkədən kənarda çalışmağa başlayırlar. Bu isə rayonun demokrafik vəziyyətinə təsir edir”.

E.Rzalı digər əsas problem kimi rayonda gənclərin asudə vaxtlarının səmərəli keçirilməsi üçün kifayət qədər yerlərin olmamasını qeyd edib.
İctimai fəal Bəxtiyar Həsənov isə qeyd edir ki, Qazax rayonun əsasən su təminatında problemlər var.

Ülviyyə Həsənli